下地勇 待つの木物語 歌詞

歌：下地勇

作詞：下地勇

作曲：下地勇

発売：2009-01-30 22:46:55

潮ぬ風 嶺の上
海む見いどぅ 長いふ 我や座しゅうたー
枝葉や花を咲かし 落たし また咲かし
幾百年さ止まだなどぅ 循環りうたー

かぬ一日ぬにゃーだか
今まい変らだな
枝葉や南ぬ風ん
サヤサヤてぃ揺りうたーむぬ

時間ぬ 戻らば
かぬ恐るす一日ん我ぬう戻しふぃーる
切すなよ 切すなよ
我ぬう二つんかい切し離しふぃーなよ

何ぬ罪んどぅ 根元から我や
切し離さいだか ならったんが
根張や地ぬ下 何処がみまい伸びゅーたーむぬ
切し株や海風ん 靡きくとぅやにゃーん

何ゆ的をしーどぅ
寒さんんびゃーでぃが
切し株や温さ望み
日数や過ぎー去すだき

時間ぬ 歩きば
百年後んどぅ 我や生まり変す
来しふぃーる 来しふぃーる
やがてぃ貴方が 我かい 座しす事んどぅなりゅう

待ちうらでぃ 待ちうらでぃ
貴方が来す一日う ただ待ちうらでぃ
生きでぃうりよ 生きでぃうりよ
意味ぬあす年月 生きでぃうりよ

導かれい来う 導かれい来う
貴方が温むすしどぅ 我や生まり変す
座しが来う 座しが来う
貴方が確かん来す事う ただ待ちうらでぃ

ちー ちー
ちー ちー